มูลานิ ยานิ เอกโต อุปฺปชฺชนฺติ นามมูลานิ เอกมูลมูลกานิ เจว อญฺญมญฺญมูลมูลกานิ จฯ อวเสสา นามมูลสหชาตา ธมฺมา นามมูเลน เอกมูลมูลกา, น จ อญฺญมญฺญมูลมูลกาฯ

(ข) เย วา ปน นามมูเลน อญฺญมญฺญมูลมูลกา, สพฺเพ เต ธมฺมา นามาติ?

อามนฺตาฯ

มูลวารนิทฺเทโสฯ

2-10. เหตุวาราทิ

[98] เย เกจิ กุสลา ธมฺมา, สพฺเพ เต กุสลเหตูติ…?

ตโย เอว กุสลเหตู, อวเสสา กุสลา ธมฺมา น กุสลเหตู…เป.… กุสลนิทานา… กุสลสมฺภวา… กุสลปฺปภวา… กุสลสมุฏฺฐานา… กุสลาหารา… กุสลารมฺมณา… กุสลปจฺจยา… กุสลสมุทยา…ฯ

[99] เย เกจิ อกุสลา ธมฺมา… เย เกจิ อพฺยากตา ธมฺมา… เย เกจิ นามา ธมฺมา, สพฺเพ เต นามเหตู ติ… นามนิทานา… นามสมฺภวา… นามปฺปภวา… นามสมุฏฺฐานา… นามาหารา… นามารมฺมณา… นามปจฺจยา… นามสมุทยา…ฯ

มูลํ เหตุ นิทานญฺจ, สมฺภโว ปภเวน จ;

สมุฏฺฐานาหารารมฺมณา, ปจฺจโย สมุทเยน จาติฯ

นิทฺเทสวาโร นิฏฺฐิโตฯ

มูลยมกปาฬิ นิฏฺฐิตาฯ

ฯ นโม ตสฺส ภควโต อรหโต สมฺมาสมฺพุทฺธสฺสฯ

2. ขนฺธยมกํ

1. ปณฺณตฺติวาโร